Kimamentu di desperdisio (bio)médiko- i infeksioso
Meta di e proyekto akí ta pa prevení riesgonan pa salubridat públiko i ambiente di bida dor di rekohé i kima desperdisio bio(médiko), desperdisio di matamentu di bestia i kadavernan di bestia den un instalashon di kombustion speshal.
Pakiko?
Ta topa desperdisio (bio)médiko i infeksioso na Boneiru partikularmente den hospital, otro instansianan di kuido, laboratorionan, práktikanan di dòkternan di kas i dentistanan i práktikanan di dòkternan di bestia. Ta trata di partikularmente residuo prosedente di diagnósis, tratamentu òf prevenshon di malesa di hende òf bestia i di kuido di maternidat.
Un otro fluho di desperdisio ku mester di atenshon speshal ta e residuonan di matadero i kadavernan di bestia prosedente di otro instansianan.
Na e momentunan akí no tin fasilidatnan pa rekohé, transportá, warda i prosesá desperdisio (bio)médiko i infeksioso na un manera seif i higiéniko pa medioambiente na Boneiru. Esaki ta trese riesgonan pa salubridat públiko i e ambiente di bida kuné.
Impakto riba klima i naturalesa
Tur nos desperdisio ta bai resultá finalmente riba lèntfel na Lagun. Pero ku esei e no a disparsé ainda. Awa di yobida por disolvé e sustansianan aktivo den remedinan ku a tira afó. Asina nan ta penetrá den nos ambiente di bida. Den suela òf den awa di suela. I di einan e ta sigui plama.
Pa remedinan ku no ta spula ta idéntiko. Nan tampoko no ta disparsé sin mas. Ni si nos trata e awa sushi den un instalashon di purifikashon.
E mihó solushon ta pa kima remedinan bieu na un temperatura hopi haltu. Tene remedinan bieu separá i entregá nan na botika òf un punto di entrega di desperdisio.
Impakto sosial
Desperdisio di hospital, desperdisio médiko i fluhonan di desperdisio manera residuo di matamentu di bestia i kadaver di bestianan ta sustansianan residual peligroso ku ta rekerí un prosesamentu speshal relashoná ku eventual peliger di kontagio òf pa motibu di problemanan ku téknikanan di prosesamentu.
Ademas tin motibunan ku tin di aber ku ku norma i balornan pa no depositá desperdisio partikular di hospital huntu ku otro sushi riba lèntfel. Ta trata na final di kuenta hopi bes di desperdisio infeksioso, pero tambe remedinan kontra kanser i partinan di kurpa humano.
Impakto ekonómiko
Prosesamentu pa medio di kombustion no ta kondusí na un oumentu direkto di peso pa gobièrnu i habitantenan di Boneiru. E gastunan operashonal ta ser kubrí dor di entradanan ku tarifanan di prosesamentu ta generá. E gastunan di invershon ta ser kubrí dor di ministerio di Infrastruktura i Medioambiente.
Kiko abo por hasi?
No tira remedinan ku bo no ta usa mas afó sin mas. Si bo tira remedinan bieu huntu ku sushi òf spula esakinan, esei por tin konsekuensianan dañino pa nos ambiente di bida. Tene nan p’esei separá i entregá nan na botika. Tin dos motibu importante pa esaki.
- Remedinan por parse hopi distinto, por ehèmpel píldora, puiru, líkido i krema. Pero tur ta kontené sustansianan aktivo. Tin di e sustansianan ei por ta peligroso pa hendenan salú. Pasobra píldoranan ta parse mangel, tin èkstra riesgo pa muchanan chikitu.
- Tur nos desperdisio finalmente ta resultá na lèntfel na Lagun. Pero ku esei e no a disparsé ainda. Awa di yobida por disolvé e sustansianan aktivo den remedinan ku tira afó. Asina nan ta yega den nos ambiente di bida. Den suela òf den e awa di suela. I di ei e ta sigui plama. Pa remedinan ku nos spula ta konta mesun kos. Eseinan tambe no ta disparsé asinasina. Ni asta si no trata e awa sushi den un instalashon di purifikashon.
P’esei ta mihó pa tene remedinan apart i entregá nan na botika òf un punto pa depositá sushi. E remedinan entregá finalmente lo ser kimá di un forma seif pa medioambiente den un instalashon di kombustion. Esei ta mihó pa nos salú i salu di nos ambiente di bida.
