Reforestashon

Restorashon di mondi seku na Boneiru, di manera ku e habitat akí por brinda mihó servisio na poblashon i naturalesa. Awor, pero den futuro tambe dor di por resistí kambio di klima mihó.

Pakiko?

Den e siglonan ku a pasa naturalesa di Boneiru a kambia masha tantu mes. E konsekuensianan di kapmentu di palu na gran eskala a empeorá debí ku kabritu, porko i burikunan ta kana lòs i ta kome yerba. Pa e motibu akí mata i palu no por a rekuperá nan mes. Ta asina tambe ku hende a bini ku basta mata i palu eksótiko ku por pone ku vegetashon original ta disparsé. Aktualmente tin tres te sinku tipo di palu ku ta dominá den naturalesa di e isla. Di algun palu di Boneiru mes ta algun palu adulto so a sobra. Diferente otro tipo di palu a disparsé kasi. E kapasidat di mondi pa brinda servisio na naturalesa i hende ta drástikamente afektá.

Impakto riba klima i naturalesa

E deterioro di mondi seku tin konsekuensia grandi. Tin hende ta kere por ehèmpel ku ta pa e motibu ei lora di Boneiru (e asina yamá amazona ku hala hel) a bai den e barionan habitá pa buska nan kuminda ei. Esaki ta krea problema pa kultivadó di fruta.
Si tin ménos palu grandi suela por wanta ménos áwaseru. Esei ta kondusí na su turno ku ekosistema ta seka pokopoko i ta ménos produktivo. Fertilidat di suela tambe ta bira ménos. Afvur di áwaseru riba suela ta okashoná eroshon i pèrdida di nutriente den suela. Awaseru ta lastra pida chikitu di suela i ta okashoná di e forma ei sedimentashon i suministro i nutriente dañino pa ref di koral.

E mondinan seku di Boneiru ta habitat di mata i para ku ta kore peliger di ekstinshon, entre nan dos tipo di palu di wayaká i lora. Otro tipo di mata i para ku bo ta haña solamente na nos isla, ta biba aki. Ke men di ku reforestashon ta yuda pa preservashon di e mata i paranan akí. Di e forma ei tambe nos ta kontribuí na mantenshon di biodiversidat na nivel mundial. Hulanda ta kumpli asina ku su obligashonnan a base di Tratado di Biodiversidat. Banda di esei reforestashon ta trese kambio positivo pa bienestar di hende, por ehèmpel mas posibilidat di rekreashon, mehoramentu di mikro klima i oumento di fleksibilidat respekto kambio di klima.

Impakto sosial

Fundashon Echo lo siña diferente siudadano di Boneiru pa nan bira kultivadó di mata. Nan ta haña lès tambe den maneho ekológiko. E personanan akí ta bira embahador di preservashon di naturalesa na e isla, loke ta di gran importansia pa restorashon duradero riba término largu di área di naturalesa. Mas aleu nos ta envolví empresario lokal den kultivo di palu yòn pa planta despues den tera. Mas aleu nos lo embolbí empresarionan lokal den kultivashon di mata.

Envolvimentu di puebo den e proyekto ta parti krusial pa e strategia riba término largu di reforestashon. Ta p’esei nos ta amplia kooperashon ku partner lokal i nos ta partisipá na e festival anual di planta palu. Huntu ku Mangazina di Rei nos ta sigui elaborá riba nan eksperensia ku partisipashon sosial. Naturalesa ta kontribuí na nos bienestar. Ofresiendo posibilidatnan pa rekreashon, i pa gosa di naturalesa komunidat mes lo eksperensiá importansia di preservashon di naturalesa.

Impakto ekonómiko

Hasiendo áreanan di naturalesa restorá aksesibel, nos ta brinda empresario lokal e posibilidat pa benefisiá di reforestashon. Ta duna supervisor formashon pa duna guia den estilo di por ehèmpel Birding Trail karibense ta hasi i ta di spera ku por hasi esei huntu ku nan tambe. Guia i benta di produkto ku tin di aber ku esei ta bira kada biaha mas importante pa merkado turístiko moderno i lo forma un parti importante di finansiamentu duradero di e proyekto.

Banda di esei nos lo envolví komunidat lokal, sektor turístiko, turista i siudadano hulandes i lokal via un programa pa adoptá un palu ku nos lo desaroyá huntu ku Dutch Caribbean Nature Alliance. E programa di adopshon lo amplia magnitut di e proyekto i lo pone ku e proyekto ta kapas pa generá entrada ku ta kontribuí na reforestashon ora e proyekto ta tras di lomba.

Kiko abo por hasi?

Tur hende por duna naturalesa na Boneiru un man plantando den nan kurá palu di Boneiru ku ta karga fruta. Akibou tin un lista di palu i mata ku ta adekuá pa esaki i teps pa planta.

  • Plantando den nan kurá palu di Boneiru ku ta karga fruta!
  • Manual pa traha kòmpòst na Boneiru, Click aki
  • Konstruí un kas o hardin? Click aki
  • Traha un buraku grandi ku ta por lo ménos dos biaha mas grandi ku hanchura i profundidat di e pòchi ku nan a kultivá e palu yòn aden pa pon’é despues den tera.
  • Pone un kantidat supstanshal di kòmpòst òf mèst den e buraku pa planta, promé ku bo planta e palu. (yena e buraki ku esaki te mas o ménos 15%).
  • Kuminsá duna un un kantidat reimu di awa.
  • Planta e palu i primi e tera sin ku bo ta okashoná daño na e wòrtelnan. Pone eventualmente un palu pa sosten.
  • Sòru ku kabritu i buriku no por yega na e palu.
  • Den e promé simannan duna e palu tur biaha bastante awa i duna despues, sigur den temporada di sekura, debesenkuando awa.
Een handvol boomsoorten

Palu di e pais mes

Papiaments Nederlands Engels Latijns
Jatu (Datu) Zuilcactus Candle cactus Stenocereus griseus

(Ritterocereus griseus Lemaireocereus griseus,)

Kadushi Boomcactus Candle cactus Cereus repandus

(Subpilocereus repandus)

 

Kalbas Kalebasboom Calabash Crescentia cujete
Kuida (Indju, Qui) Mesquiteboom Mesquite Prosopis juliflora
Manzaliña bobo Manzalienja bobo Manzanilla bobo Metopium brownei
Obada (Wabi) Cossie Acacia tortuosa
Oliba Kapperstruik Olive wood Capparis odoratissima
Oliba machu (Palu pretu) Capparis indica
Palu di bèshi Condalia henriquezii
Palu di Bonaire Yellow Wood Casearea tremula
Palu di lora Broadleaf caper Capparis hastata
Palu di sia blanku Witte zadelboom Bursera bonairensis
Palu di sia kòrá Rode zadelboom Saddlewood Bursera simaruba
Rambèshi Sideroxylon obovatum
Shimaruku West indian cherry Malpighia emarginata
Takamahak Bursera tomentosa
Wayaká Pokhout Lignum vitae Guaiacum officinale
Wayaká shimarón Pokhout Roughbark lignum vitae Guaiacum sanctum
0
Palu durante 2016 i 2017
0
área
0ha
den área