Bon komienso pa 800 palu nobo

Kralendijk – E wikènt ku ta tras di lomba e di sinku dia di planta palu a tuma lugá. Riba e dia ei nos a planta 800 palu den parke nashonal. 15 boluntario a duna un man durante e dia di planta palu aki. Pasobra awaseru a kai e dia ei, e palunan tabatin un bon komienso.

Pa restu di e temporada di awaseru aki tin mas dia di planta palu planiá. Echo ta planta palu endémiko pa kontribuí na rekuperashon di mondi seku riba nos isla. Para endémiko, manera nos Lora, i otro animalnan tin bentaha di esaki pasobra asina nan ta haña mas kuminda i un mihó ambiente di biba. Nos ta planta palu den diferente área será den waya na Boneiru.

Esaki ta un proyekto riba enkargo di Entidat Públiko Boneiru i ku finansiamentu for di e fondo di naturalesa di Reino. E meta di e proyekto ta pa realisá 10 área di 1 hèktar será den waya ku en total mas o menos 20.000 palu ku nos a planta.

Ya kaba Echo a sera 7 di e áreanan aki den waya i den e lunanan binidero nos lo planta mas palu. E dia di planta palu aki tabata e último di aña 2017. E siguiente dia di planta palu ta riba 13 di yanüari 2018.

Mas informashon tokante e dia di planta palu aki bo ta haña riba e página di facebook di Echo (www.facebook.com/EchoBonaire.org) i di Nos ta Biba di Naturalesa @NTBDN