Echo ta bende mata endémiko
Kralendijk, 18 december 2017. Bo ta interesá den mata? Bo ke planta palu? Òf bo ke sa mas tokante e proyekto di reforestashon di Fundashon Echo? E ora ei bin bishitá e gran apertura di nos kultivo di palu riba djabièrnè 22 di desèmber di 10’or di mainta te 12’or di mèrdia na Dos Pos. Echo ta trit bo un pasaboka i algu di bebe.
Fundashon Echo ta organisá un grandioso apertura di nan propio kultivo di palu spesial pa benta lokal. E pensamentu tras di esaki ta ku tur hende riba nos isla por aportá na reforestashon di Boneiru. Tin 20 sorto di palu endémiko disponibel pa benta. Hasta tin algun di e palunan na baratio durante e apertura! E tim di Echo a kultivá tur e palunan for di simia i a kuida nan ku hopi amor.
Ora bo kumpra un palu endémiko no solamente bo tin un mata den bo kurá ku ta resistí sekura i duna bo sombra, pero tambe ku ta ofresé kuminda na paranan lokal. Ademas bo ta kontribuí na hasi nos isla mas bèrdè. E ganashi di e benta ta bai kompletamente pa e aktividatnan di reforestashon di Echo.
Echo ta planta palu endémiko pa rekuperá e ekosistema di mondi seku di Boneiru i pa yuda nos para- i bestianan endémiko, manera nos lora, haña kuminda. Te ku awor Echo a sera 7 área den waya i nos a planta mas ku 7500 palu. Entidat Públiko Boneiru ta finansiá e proyekto ku ayudo di e fondo di naturalesa di Reino.
Pa mas informashon: www.facebook.com/EchoBonaire.org i @NTBDN