Mihó sirkulashon di awa den Lac

Habrimentu di un kanal ku ta sali for di Boka di Chiko i pasa den e mondinan di mangel di Lac. Trabou duru ku un grupo di trahadó vast i boluntarionan ta hasi. E meta ta pa promové sirkulashon di awa. Esaki ta yuda e pal’i mangelnan sobrebibí.Tur bida bou di awa tambe tin bentaha grandi di esaki. E mondinan di mangel ta kamber di parto pa piská di ref.

For di aki ainda mester koba mas o menos 60 meter i despues 80 meter mas pasando den entradanan ku a yena ku mata i sera, te na Awa di Lodo di Bakuna, kaminda tin awa habrí atrobe. Antes piskadónan tabata hasi e trabou aki. E trabou ta forma parti di e proyekto Rekuperashon Ekológiko di Lac i part’i sùit di Boneiru. E fondonan di naturalesa di Ministerio di Naturalesa ta finansiá e trabou aki. Entidat Públiko Boneiru ta dunadó di enkargo i STINAPA ta ehekutá e proyekto.