Boneiru, un isla presioso
Boneiru ta un isla presioso ku paisahenan úniko i áreanan di naturalesa bunita i un diversidat grandi na flora i founa. Naturalesa pa huntu nos gosa di dje. Pero tambe bon pa prosperidat di nos isla. Turismo ta un di e fuentenan di entrada mas importante pa e poblashon di Boneiru. Naturalesa p’esei ta hopi balioso. Pa den futuro tambe konservá e naturalesa akí, protekshon i maneho ta esensial.
Den e maneho di naturalesa i medioambiente di Boneiru tin plan- i akshonnan konkreto pará. Proyekto- i kampañanan ta traha riba metanan konkreto. Pa laga e plannan ta eksitoso, kooperashon i embolbimentu di siudadano-, empresa- i organisashonnan ta nesesario. Bo yudansa ta esensial, wak kiko bo mes por hasi.
Mas di 30 proyekto i kampaña riba tereno di maneho di naturalesa i medioambiente. Dikon naturalesa ta asina importante pa bo?
“For di dia a kuminsá ku ruta di outo ‘Bara di Karta’, tur fin di siman tin no kuater sino sinkuenta outo ta pasa banda di mi kunuku. E besindario a bira mas sigur.”
“Kultivo i plantamentu di miles di koral salú ta yuda ref afektá mesora. Lo ta un eksperensia inkreiblemente satisfaktorio pa esnan apashoná ku a kere den e proyeto aki, pa mira e kolonia krese i desaroyá despues.”
“Purifikashon di awa sushi ta nesesario pasobra e isla ta kambiando. E poblashon ta kresiendo i tin hopi desaroyo kantu di kosta. E ta un bon invershon.”
Maneho di naturalesa
Entidat públiko na 2016 ta formulá un Plan di naturalesa Boneiru. E plan di naturalesa akí ta forma e base real pa maneho di naturalesa riba nos isla. E ta un programa di ehekushon lokal basá riba e Plan di maneho di naturalesa Hulanda Karibense ku na 2013 gobièrnu hulandes a stipulá pa Boneiru, St. Eustatius i Saba. Ámbos plan ta ofresé un kuadro pa un maneho sólido i uso duradero di naturalesa. Nan tin komo meta pa hasi uso duradero di naturalesa, pa asina konservá sistemanan ekológiko i servisionan di e ekosistema.
Maneho di medioambiente
A formulá na 2012 e Programa di medioambiente Boneiru 2012 -2016 den konsepto pa kumpli ku artíkulo 1.5.1 di Lei VROM BES. E lei ta indiká ku entidat públiko anualmente mester stipulá un programa di medioambiente. Konseho Insular sinembargo no por a stipulá e Programa di medioambiente Boneiru den konsepto pasobra falta e Plan di maneho di medioambiente Hulanda Karibense.
Kon abo por partisipá den tenementu di nos isla bèrdè i limpi?
Hóben por partisipá na e proyekto POP ‘Kunuku lifestyle’ na Mangazina di Rei!
Partisipá!Plantando den nan kurá palu di Boneiru ku ta karga fruta!
Interesadonan por haña un formashon kompleto pa Coral Restoration Diver
Kompleto Coral Restoration Diver!P’esei ta mihó pa tene remedinan apart i entregá nan na botika òf un punto pa depositá sushi
Último notisia di e isla
Sentro di Shushi Lagun i Sitio di Entregá Shushi Rincon
Sentro di Shushi Lagun i Sitio di Entregá Shushi Rincon Pa tur produkto ta yega e tempu ku ta tira nan afó. Pa e motibu ei e seru di shushi ta krese. Ya nos lèntfel ta enormemente grandi kaba i no ta ofresé mas espasio pa mas shushi ainda. Dikon? Ademas shushi ta kontené supstansianan dañino ku [...]
Nos ta Biba di Naturalesa-TV 5 episodio
Nos ta Biba di Naturalesa-TV 5 episodio Germine Frans ta mustra su mata favorito, Lacey Pauletta a konstruí un ‘greenhouse’ su mes i Sherwin Pourier ta konta tur kos tokante agrikultura sostenibel. Lesa mas AKI
Importansia di statùs di Patrimonio Mundial
Importansia di statùs di Patrimonio Mundial Boneiru ta mundialmente konosí pa su bunita refnan di koral. Nos ke nominá nos parke supmarino pa e Lista di Patrimonio Mundial di UNESCO. Esei ta un lista di entre otro áreanan ku un balor eksepshonal i universal di naturalesa òf di kultura. Pensa riba e Gran Barera di Koral i e refnan di Belize i Islanan Galápagos. Pero nos no por sera nos [...]
Kultivá bèrdura den bo propio ‘greenhouse’
Manual pa konstrukshon di un ‘greenhouse’ Bo ke kultivá bèrdura den bo propio ‘greenhouse’ meskos ku Lacey Pauletta? Aki bou tin un manual pa konstrukshon di un ‘greenhouse’ ku skrin. Material pa un ‘greenhouse’ di tres pa dos meter: Material Preis 3 tubu pvc di 1,5 inch x 5 m $26,95 11 pida palu di 1x3x10 $48,29 2 pida palu di 2x3x10 $12,98 Skruf 6 x 1-5/8 $3,99 9 [...]
